Суд Чыгуначнага раёна Гомеля прызнаў экстрэмісцкім Тэлеграм-канал ініцыятывы ByPol паводле матэрыялаў праверкі, праведзенай абласным ГУБАПіКам. Паказальна, што пра гэта паведаміла прэс-служба не суда, а міліцыі.
І хоць тэлеграм ByPol яшчэ не ўнесены ў рэестр экстрэмісцкіх рэсурсаў Беларусі, то цяпер стала небяспечна рэпосціць з яго спасылкі і захоўваць матэрыялы.
Але што ж гэта за рэсурс? Адна са свежых публікацый ByPol паведамляе прозвішчы ваенных, што ўдзельнічалі ў правакацыі супраць Кастусёва, Фядуты і Зянковіча, якіх цяпер вінавацяць у спробе дзяржперавароту. Яшчэ гэтая ініцыятыва спецыялізуецца на падтрымцы былых сілавікоў, якія вырашылі не ісці супраць свайго народа і звольніліся з органаў.
Казімір Шчадковіч, спецыяльна для Беларускай службы Польскага радыё, Мінск